Sign In New user? Start here.
sara shrawan plyed a manipuri girl role in अभिनेत्री सारा श्रवण हिची आव्हानात्मक भूमिका साकारण्याची इच्छा 'व्हॉट अबाऊट सावरकर?' या चित्रपटाने पूर्ण केली आहे. या मराठमोळ्या अभिनेत्रीला कारकीर्दीच्या महत्त्वाच्या वळणावर 'व्हॉट अबाऊट सावरकर?' सारख्या मराठी चित्रपटात मणिपुरी तरुणीची भूमिका साकारण्याची संधी लाभली.
 
 
zagmag

सारा श्रवण होणार आता मणिपूरी गर्ल

भूमिकांमधील आव्हान कलाकारांना नेहमीच खुणावत असतं. वास्तवात आपण जसे आहोत तसे पडद्यावर न दिसता आपल्यापेक्षा अगदी वेगळं पात्र साकारायला मिळावं अशी प्रत्येक कलाकाराची इच्छा असते. अभिनेत्री सारा श्रवण हिची आव्हानात्मक भूमिका साकारण्याची इच्छा 'व्हॉट अबाऊट सावरकर?' या चित्रपटाने पूर्ण केली आहे. या मराठमोळ्या अभिनेत्रीला कारकीर्दीच्या महत्त्वाच्या वळणावर 'व्हॉट अबाऊट सावरकर?' सारख्या मराठी चित्रपटात मणिपुरी तरुणीची भूमिका साकारण्याची संधी लाभली.रिटेक अनलिमिटेड फिल्म प्रॉडक्शन आणि औरस अवतार एंटरटेनमेंट प्रस्तुत रोहित शेट्टी, अतुल परब यांची निर्मिती असलेल्या 'व्हॉट अबाऊट सावरकर?' हा सिनेमा स्वातंत्र्यवीर विनायक दामोदर सावरकर यांचे विचार मांडणारा आहे.

पंजाबपासून मणिपूरपर्यंत पसरलेल्या सावरकरांच्या वैचारिक महासागरातील पाईक होण्याचं भाग्य एका तरुणीला लाभलं, हेच पात्र सारा श्रवणने 'व्हॉट अबाऊट सावरकर?' चित्रपटात साकारलं आहे. 'व्हॉट अबाऊट सावरकर? मध्ये साराने सुनीती सिंग नावाच्या तरुणीची भूमिका साकारली आहे, या तरुणीच्या मनावर सावरकरवादी विचारांचा पगडा आहे. चित्रपटात मुख्य भूमिका साकारणाऱ्या अभिमान मराठेच्या वैचारिक लढ्यात ती ठामपणे उभी आहे. सारा म्हणते कि, सावरकर हे केवळ महाराष्ट्राचे नसून ते संपूर्ण भारताचे होते. त्यांच्या विचारांचा प्रभाव अमराठी लोकांवरही होता. मी साकारलेलं पात्र त्यांचंच प्रतिनिधित्व करणार आहे. तिरंग्यामुळे माझी आणि चित्रपटाच्या नायकाची भेट होते. त्यानंतर आम्ही एकजुटीने काम करतो. 'व्हॉट अबाऊट सावरकर?' मध्ये काम करण्याचा अनुभव अविस्मरणीय तर होताच, पण बरंच काही शिकवणारा होता.

१७ एप्रिल रोजी प्रदर्शित होणाऱ्या या चित्रपटात शरद पोंक्षे, विवेक लागू, अविनाश नारकर, अतुल तोडणकर, सारा श्रवण,श्रीकांत भिडे आदी कलाकारांच्या भूमिका आहेत. निलेश मालप ,गगन बाया आणि नीती सिंग या चित्रपटाचे सहनिर्माते असून नागेश पुजारी कार्यकारी निर्माते आहेत. किंदर सिंग यांनी साहसदृश्यांचे दिग्दर्शन केलं असून नृत्य दिग्दर्शन श्रीकांत अहिरे यांचे आहे.रंगभूषा किरण सावंत यांनी केली आहे, तर वेशभूषा रीना मदाने यांची आहे.

 

 

------------------